شنو صاير

شنو صاير ولا تسأل ولا تشتاق لي شويه

من هو غيَّرك عني من هو ما عطيك حنيه

وإذا حبيت لك غيري ما أبكي ولا دمعه

من كل قلبي لك أفرح وأشعل روحي لك شمعه

نسيت شكنت أسوي لك كنت كل ليله أسهر لك

وإنتَ ما تحس فيني وأنا مليت أشرح لك

بعد قول لي شسوي لك تعبت وصوتي صار الناي

يموت من العطش قلبي وبإيدك إنتَ كل الماي

قبل فتره تبيني تحن عليّ تسألني بزياده

شنو بس اللي متغير حنانك ما هو كالعاده

بس كلمني بالمعقول أبيك تقول وش صاير

ترى من يوم عني غبت وعقلي منشغل طاير

كل الناس ناسيهم ولا فكرت في ناسي

إنتَ تختلف عنهم شاغل بالي وإحساسي

وينك لا تخليني على فراقك أنا ما أقدر

قلبي حيل أذاني يبيك وما قدر يصبر

التبليغ عن خطأ